كيف تقهرين اخوك (فقط للبنات ) ..

هلا وغلا بالحبايب

كيف تقهرين اخوك (فقط للبنات ) ..








عندي دروس خطيره لا تفوتكم يا بنات .. شوفوا اللي مقهوره, واللي تبغا تنتقم , واللي تبغا ترفع ضغط اخوها تتبع هالخطوات والله يقويكم..... .



*** عند التلفزيون ***


لا صارت فيه مباراه , والاخ متحمس اقطعي هالحماس كيف؟!
انا اقولك ..


شوفي اذا صار مبقق عيونوا وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,


هنا بس تقومي بشغلك..


روحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,


لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..


واذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..


+:.+:.+:.+:.+:.
*** عند النوم ***


لا صار يشخر.. نكدي عليه نومه كيف؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله


والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نخرج ..


+:.+:.+:.+:.+:.
*** اذا المزاج صفر ***



اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه


بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب


المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير


عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك




عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي


+:.+:.+:.+:.+:.
*** وقت الطقاق ***


لا جاء يوم وبراسك حرش وتبين تطاققين انتي واخوك لازم تجهزين نفسك من كل ناحيه:


1/ اللبس: لازم تلبسين ترنق علشان يسهل الركض



2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,


وياليت يكون ذاك اليوم حاطه براسك حناء علشان مايتجرأ ويلمس شعر


3/ مفتاح الغرفه ولميه الاحتياط واجب


اذا بدت المعركه حطي راسك براسه ولا تبيني انك خايفه وبققي عيونك فيه وقوليله وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه ,


لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
.
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..

منقووول

سلااام
الدرووووس مررره قووويه
ولو سويتها بموووت
ههههههههههههااي
وبتفقدوني في المنتدى ادري ماتقدرون تكملون من دووني<<واثقه

تمنياتي لك بالتوفيق
حبيبة نصوري..

اناااااا ماعندي خواااااااااات

ماتقدرون تقهروووووني
هههههههههههههههههاااااااي

هههههههههه عزوز انا قلت فقط للبنات وش جيبكـ هههههههههههههه امزح يسلموا ع المرور جميعااااً

ههههههههههههههههههههههههههههـآي
لآ بس حبيت اقهركم

لاقهر ولاشي عاااتي